B.ED. SPECIAL EDUCATION (Hearing Impairment & Visual Impairment)


SCERT AH HAWN A NI TA

 

 

          India hmarchhakah a hmasa ber atan B.Ed.Special Education (Hearing Impairment & Visual Impairment) Regular 2 Year Course chu Directorate of SCERT hnuaiah Mizoram-a Batch hmasa ber tur chu 6th  August, 2018 khan Education Minister Pu H.Rohlunan a hawng.

 

  He B.Ed. Special Education Course te hi Rehabilatation Council of India (RCI), National Council of Teacher Education (NCTE) te pawmpuina in Mizoram University hnuaiah Affiliation pek a ni. He course hi Rualbanlo zirtirtute leh enkawltuten rualbanlo enkawlna kawngah chiang zawk leh chipchiar zawka zirna an pek theih na atana buatsaih a ni.

 

Rehabilitation Council of India (RCI) in a phut angin rualbanlo enkawltu/Zirtirtu chuan Special Education ah thiamna bik a nei tur a ni tih a ni a, he course pawh hi RCI-in a phut ang tih hlawhtlin nana kawng pawimawh tak pakhat a ni. Tin, he B.Ed. Special Education Course zir chhuak te chu Section 13 of RCI Act in a duan angin RCI hnuaiah Registered Professional Certificate an dawng thei dawn a ni. He Certificate nei te chu India ram khawi hmunah pawh Special Educators & Qualified Professionals-a pawm an ni bawk dawn a ni.

 

           B.Ed. (Special Education) Course atan hian Bachelor’s Degree Recognized University hnuaia passed chhuak  50%  (Scheduled Caste) tan leh 45% (Scheduled Tribe) tan emaw Master’s Degree - Sciences/Social Sciences & Humanities leh Bachelor Degree in Engineering or Technology Specialization in Science & Mathematics 55% marks hmu chin leh a tlukpui te tan zir theih a ni. He coure kaihhruaina leh kalphung hriatna atan hian Prospectus for B.Ed.Special Education–Hearing Impairment & Visual Impairment pawh buatsaih a ni.

 

Directorate of SCERT, School Education Department Campus, Chaltlang hmun a  Academic Year 2018-2020 Batch hmasa ber, 1st August, 2018-a \an tur ah hian Entrance Examination 27.6.2018 (Wednesday) khan mi 234 in an bei a, heng exam beitute a\ang hian mi 60 a ti \ha \ha te zir tura lak an ni.

 

Minister chuan  B. Ed. Special Education leh B. Ed. Education zirna atana kum 2015 atanga hmalak chu vawiinah  a puitlinna hmuh a nih chu lawmawm a ti a. B.Ed Special Education Course zirlaite hi Vohbikte enkawlna lamah leh zirtirna kawngah dinhmun pawimawh tak anla chelh dawn a ni, a ti a. North East mai nilo, India rama B.Ed Special Education zirna awmchhun Mizoram in a nei hi rahbi pawimawh tak a ni a ti.

 

B.Ed. Special Education (Hearing Impairment & Visual Impairment) hi Kum 2 course niin, Directorate of SCERT, Mizoram hnuaiah batch hmasa ber chu tun thla atangin tan a ni.  Hearing Impairment leh Visual Impairment class-ah hian zirlai 30 ve ve lak a ni. He B.Ed. Special Course hi Rehabilitation Council of India (RCI), National Council of Teacher Education (NCTE) te pawmpuina in Mizoram University hnuaiah Affiliation pek a ni. He course hi Vohbik zirtirtu leh enkawltuten vohbikte enkawlna kawnga chiang zawk leh chipchiar zawka zirna an pek theihna atana buatsaih a ni.