SCERT, Mizoram chuan zirlai naupangte Lockdown chhunga an hun awl tha leh tangkai taka an hman theihna a nih beiseiin intihsiakna hrang hrang a buatsaih a.He weekly Edu-Challenge hi ni 13.04.2020 a tanin, intihsiakna hmasa ber hi13th – 17th April, 2020 chhung khan neih a ni. 

Hetah hian Primary School zirlaite leh Middle School zirlaite tan Poster insiamsiakna buatsaih a ni a, a thupuihi Primary School tan Lockdown tih hman a ni a, Middle School naupangte tan Covid-19 Laka Inven Dan tih thupui hman a ni. 

He intihsiakah hian tel an thahnem hle a, a tel zawng zawngte hi mi 145 lai an ni. District hrang hrang atangin an tel kim hle a - Sorkar school, Private School leh Kohhran School atangtein an tel a ni.

He challenge hi mithiam tak takten an endik a, heng pawh hi online veka endik a ni. Week 1 Result chu hetiang hi a ni:-


Primary School

1na - Joseph Lallawmzuala, Class IV, Home Missions School, Bawngkawn

2na - Monica HS Sangi, Class II, Model School, Upper Republic

3na –Lalthafamkimi, Class IV, St. Lawrence School, Ramthar Veng


Middle School

1na – Ramthlanmawii, Class VII, Jr. Section, 

Tiny Tots Higher Secondary School, Zemabawk. 

2na – Lalhminghlui, Class VIII, PES, Khawzawl Vengthar. 

3na – HD Lalawmpuii, Class VII, Home Missions School, Bawngkawn. 

 

He challenge hi Lockdown chhung kar tina kalpui tur a ni a, zirlai naupangte leh zirtirtu a tam thei ang ber tel turin kan insawminkan inngen a ni. 

 

 

                                                                        Sd/-LALDAWNGLIANI CHAWNGTHU

                                                                                                   Director

                                                                                             SCERT, Aizawl