WRITE UP ON TRAINING OF UNTRAINED IN-SERVICE ELEMENTARY TEACHERS

          RTE Act Amendment, section 23(2)-in zirtirtu la train lote tan 31st March, 2019 thlenga training hun pawhseisak tura rawtna chu parliament-in a pass ta a. Hei hian zirtirtu training la nei lo zawng zawngte tan in qualify-na hun remchang tha tak leh hnuhnung (last chance) a rawn chhawpchhuah sak a ni.  Eng Zirtirtu pawh Govt./Govt Aided/Private Unaided School-a thawk zawng zawngte pawh tiamin RTE Act 2009-in a phut qualification nei lo chu 1st April, 2019 hnu lamah chuan zirtirtu hna an thawk thei tawh lo vang tihna a ni.

MHRD chuan zirtirtu training la nei lo zawng zawng ten 31st March 2019 hma ngeia training an neih theih nan hetiang hian ruahmanna a siam a:

             1. D.El.Ed Course hi NIOS hnuaiah Open Distance Learning (ODL) mode-a zir tur a ni ang.

2. Zirtirtu thawk lai training la nei lo zawng zawngte chuan he NIOS  hnuaia D.El.Ed (ODL) course training tur hian 15th September hma          ngeiin an in register tur a ni. Hemia in-enroll hman lote chu an banna turin hma lak a ni ang.

             3. Private school-a thawk zirtirtute chu Principal-in an school-a thawk ngei a ni tih a certify ang.

4. NIOS hian ‘portal’ a siam a, chu portal-ah chuan State coordinator (SCERT) in heng information te hi a neih veleh school data chu portal-     ah hian a enter ang a. Chumi zawhah NIOS chuan he portal-a lut thei tur hian school code leh password chu school Principal/Headmaster     te hnenah SMS hmangin a thawn ang. Tichuan Principal ten portal-ah an login ang a, zirtirtute chuan online registration an ti thei tawh           ang.

5. D.El.Ed course-a in-admit turte tan chuan a minimum required qualification, class XII-ah 45% mark hmuh a ngai. He mark nei pha lo an         nih chuan, D.El.Ed an in-admit rual hian NIOS-ah vek improvement course ti turin an in enrol nghal bawk ang. Improvement course-a an       in-qualify veleh D.El.Ed certificate hi pek chhuah chauh tur a ni ang.

 

            6. Inzirtirna (free instructions) chu October thlaah tan tur a ni a, NIOS buatsaih SWAYAM online portal-ah pek chhuah a ni ang.

 

            7. Contact programme hi training chhungin vawi hnih SCERT/DIETs ten ruahmanna an siam ang. 

           8. Fees chungchang : A kum khatna atan Rs. 4500/- a ni a. Hei hi online-a pek tur a ni.

 

HRIATTIRNA  :  

Right to Education Act (RTE) 2009, Section 33(2) Amendment-in a phut angin  elementary school zirtirtu la train lo zawng zawngte chu March, 2019 hmaa train vek tur a ni a.  Hemi hnulamah chuan zirtirtu train lote chu zirtirtu hna thawh phal a nih tawh dawn loh avangin zirtirtu la train lo zawng zawngte chu 15th September, 2017 hma ngeiin D. El. Ed (ODL) Course – www.nios.ac.in-ah in register vek tur a ni e. 

 

Class XII-a 45% hmu pha lo chuan National Institute of Open Schooling (NIOS) hnuaiah improvement ti tura in register nghal bawk tur a ni.