1-Day ADVOCACY TRAINING PROGRAMME ON GIRLS’ ISSUES & CONCERNS FOR LADY TEACHERS OF GOVT. HIGH SCHOOLS & PRIVATE SCHOOLS WITHIN KOLASIB DISTRICT chu vawiin November ni 29 2024, Zirtawpni hian DIET, Kolasib ah neih a ni.
Training khuhhawnna programme hi Kolasib District Education Officer Pu Vanlalchhana kaihhruaina hnuaiah hman a ni a. Pi Laldampuii, Project Coordinator, Population Coordinator, SCERT, Mizoram – in Programme kalpui a nih dan tur leh hun hman dan tur a sawi a. Dr. Lalduhawmi Thomte, Joint Director, SCERT i/c Population Education chuan Population Education leh School Health Programme nihna leh hnathawh tlangpui sawiin, training tura kalkhawmte fuihna thu a sawi a. “Zirtirtuten kan zirlaite himna kan ngaih pawimawh a ṭul em em a, a bikin hmeichhia te hi khawtlangah, hnathawhna hmunah, zirna hmunah leh mahni inchhungah ngei pawh hleilenna chi hrang hrang tuar awlsam zawk an nih avangin kan zirlai hmeichhia te himna hi zirtirtu hmeichhia te hian a bik taka kan ngaih pawimawha kan venpui a ngai a. Zirlaibu ringawt zirtir lovin hetiang lam hawia hmeichhia te himna chungchang sawihona hun hmanpui ṭhin a pawimawh hle,” tih thu a sawi a ni.
Pu Samuel Lalrinawma, Lecturer DIET-in lawmthu sawina hun a hman zawhin Resource Person te’n hun an hmang zui nghal a ni.
He Training-ah hian Kolasib District chhunga High School zirtirtu hmeichhia 43 te an kalkhawm a. SCERT, Mizoram aṭanga Resource Person kal te’n Zirlai Tleirawl Hmeichhia te himna tura pawimawh thupui thlan sa pali hmangin zirtirna hun an hmang.
 |  |  |
 |  |  |
