Vawiin February ni 27, 2025 (Nilai Thawhṭan) hian Population Education Cell, SCERT bul tumin SCERT Auditorium-ah Aizawl Khawpui chhunga Kohhran hrang hrang Ṭhalai hruaitute nen tunlai tleirawlte mamawh zirhona hun hman a ni. 

Programme khuhhawnna  inkhawm hi chawhma dar 10-ah ṭan a ni a, Pi Lalnunsiami, Deputy Director in kaihruaiin. Pi Laldampuii, Project Coordinator-in programme huaihawt a nih chhan leh Population Education hmalakna tlangpui a sawi a. Pi Caroline Zoramthangi, Director, SCERT pawhin he hun hi telpuiin, kalkhawmte hmaah, Tleirawlte zirtirna leh enkawlna hi school-ah chauh kalpui a tawk lohzia leh Kohhran hrang hranga ṭhalai enkawltute nena thawhho a pawimawh zia a sawi a. Tleirawlte zingah zirna school chawlhsan tawh engemaw zat an awm ṭhin avangin, nitin nuna an mamawh leh puitlinna kawng an zawh zelna tura an hriat tur ṭul hrang hrangte chu Sunday School-ah a theih ang anga zirtirna inpek a ṭul zia te sawiin kalkhawmte chu a theihna hmun apiangah vawiin a an thu ngaihthlak leh zirho te pu darh zel turin a chah a ni.

He zirhona hunah hian Dr. Chawnglungmuana, CEO, Shalom leh SCERT aṭangin Pi Zozikpuii leh Pi Lalremmawii te’n hun an hmang a. Aizawl khawpui chhung Kohhran hrang hrang Ṭhalai hruaitu mi 38 lai an tel a ni.