SCERT, Mizoram chuan International Literacy Day (ILD) denchhena 100 Days Reading Campaign a lo hawn tawh kharna hun vawiin 3rd May, 2023 chhun dar 11:00 khan SCERT Auditorium-ah buatsaih.  He Reading Campaign neih chhung hian Aizawl chhunga Primary School leh Middle School thenkhatah Awareness Drive on Importance of Reading hun hman a ni a. District hrang hranga DIET te nena thawk ho in SCERT chuan Reading Campaign   programme a buatsaih a. Aizawl chhunga Government Primary School thlan chhuah sawmpanga (15) ah Reading Festival neih a ni a,  hei bakah Aizawl veng hrang hrang YMA aiawh mi pahnih theuh sawmin lehkha chhiar pawimawhna in zirtir tharna hun bakah naupangten lehkha chhiar an taihmak thar theihna atana hmalak dan tur sawi hona hun hlawhtling tak an hmang bawk.

 

He 100 Days Reading Campaign kharna hunah hian Pi Lalduhawmi Thomte, Deputy Director, SCERT chuan 'Reading- An Investment for Life' tih thupui hmangin thu a sawi a, NEP 2020 in lehkha chhiar a rawn ngaih pawimawh thar dan te sawiin, tunlai khawvela inawm tleina dang hrang hrang tam tak awm tawh karah kan suangtuahna ti nung theitu lehkhabu chhiar hi kan uar thar a pawimawh zia a sawi.  He hunah hian Caroline Zonunpuii, Class V, Govt Model English P/S, Nursery Veng leh Lalrammawii, Class-II, Govt. Chaltlang P/S a zirlaite chuan thuziak tawi chhiar chhuahna hun an hmang a, Govt. Rev. Thianga Primary School, Bethlehem vengthlang te chuan Buh tuh Lâm mawi takin an entir bawk. 


100 Days Reading Campaign-a   lehkha chhiar pawimawhna te hre thara, kan lo uar thar leh theih nana SCERT  hmalakna langsar zualte chu –

·    Govt. Primary School zirtirtute tan Awareness Drive on Importance of Reading chu 27 September, 2022 khan SCERT Auditorium-ah buatsaih a ni. Hetah hian Aizawl Khawpui chhunga zirtirtu
 engemaw zat telin zirtirtute hian he programme hi an hlut hle a ni.

·   Govt. Middle  School zirtirtute tan Awareness Drive on importance of Reading chu 28 September, 2022 khan SCERT Auditorium-ah buatsaih a ni. 

·   December 8, 2022 khan Aizawl Khawpui chhung YMA Branch hrang hrang tan 

·   Awareness Drive on importance of Reading SCERT Auditorium-ah buatsaih a ni a, hemi hunah hian Resource person te hnen tangin lehkha chhiar pawimawhna thusawi tha tak tak ngaihthlak anih bakah khawpui chhung YMA Branch hrang hrang aiawh lolal te hi group-ah te insiamin hemi kawnga YMA-tena  hma an lak theih tur kawng hrang hrang an sawiho bawk a ni.

·   February 8 – 23, 2023  chhung khan  Aizawl khawpui chhunga Government Primary School  thlan bik school 15 ah SCERT bul tumin ‘Reading Festival’ hman a ni. Reading Festival hmanna school te hian he programme hi an hlut thiamin hlawkthlak an ti hle a, school tam zawk phei chuan anmahni school-ah Library te siam thar an tum thu an tarlang nghe nghe a ni. 

·   SCERT hmalakna bakah hian District hrang hranga DIET ah te 100-Days Reading Campaign hi hman a ni a, Lehkha chhiar lama hma kan sawn nante, a pawimawh zia kan hriat thar nante leh lehkha chhiar kan lo uar thar leh nante kawng hrang hrangin DIET te hian nasa takin hma an la bawk.