British Council leh North Eastern Council (N.E.C.) \angkawp buatsaih 5-day Residential Training of English for Primary School Teachers chu SCERT, Mizoram kaltlangin Mizoram ah neih a ni. He training programe neih theih nachhan hi North Eastern Council (NEC) leh British Council ten Memorandum of Understanding (MoU) an tihdun (signed) angin British Council chuan SCERT hi a kutke ah hmangin he training hi buatsaih a ni. Training hun chhung hi 19-23.2.2019 ni 5 awh a ni a, Training hi Hotel Floria, Dawrpui, Bara, Bazar Aizawl, Mizoram ah neih a ni. Training class neih hun chhung hi zing dar 9:30 a\anga tlai dar 4:30 thleng neih  a ni. He training a tel tur hian District hrang hranga Primary School Zirtirtu 100 koh an ni a, mi 70 an lo tel thei a ni. Zirtirtute hi insem darhin, heng training venue pathum-SCERT, Hotel Floria, Dawrpui leh Hotel Esquire, Sikulpuikawn-ah training an nei a. Aizawl khawpawn a\anga lo kal te hi an thlenna senso leh ei leh in tum sak vek an ni. 

He English training in a tum ber (focus) chu – ‘Learning centred teaching skill using games for the language and using the learners’ own language’ a ni a. Zirtirtu ten thiam taka naupangten saptawng hman dan an zirtir theih nan leh classroom ah naupang zirlai ten awlsam zawka English an man theihna tur zitirna pek dan zirchhuah tir a tum a ni. Zirtirtu chuan classroom ah zirtirna pekna atana a buatsaih dan skill hrang hrang – zir dan tur kawhhmuh, zawhna an neihte chiangtaka hrilhhriat, zirtirtu nena a huho leh inkawp te te-a sawiho leh tihho paha bihchian/luhchilh pui a pawimawhzia zirchhuah tir chu a tum a ni. Zirtirtute hian textbook hmanga zirtirna pek dan an ngaihtuah chhuah thiam theih nan zirlai ten classroom-a an zirtirna an dawn dan kalphung a pawimawhzia an hriat a \ul.