Vawiin ni ni 6 August 2019 hian B.Ed. Special Education Induction Programme chu SCERT Director Pi Laldawngliani Chawngthu hovin tluang taka neih a ni.
He programme hi Pi D. Ramdinthangi, Joint Director in kaihruaiin Pi Vanlaldiki Sailo, Deputy Director leh Course Coordinator ni bawk chuan Course tlangpui sawifiahna neiin Khuallian SCERT Director chuan Zirlai naupang tharte fuihna thu sawiin Zirtirtu nih ropuina leh Vohbik naupangte enkawl thei tura B.Ed. Special Education zirna pawimawh bik zia te a sawi a, Zirlai te chu an thinlung taka rualbanlo naupang te Zirtirtu ni thei tura inpekna nei turin a fuih a, Zirtirtu te hi thu mai mai tur kan ni lo, a ti.
Kumin Session tharah hian Visual Impairment leh Hearing Impairment seat 30 ve ve awm chu hnawhkhah thap a ni a. Hetih laiin 2nd Year zir tur zirlai naupang visual impairment – 30 leh Hearing Impairment 29 te chuan that akin 1st year B.Ed. Special education an passed a, Director Pi Laldawngliani chawngthu in Certificate hlanna a nei bawk.
B.Ed. Special Education SCERT hian Mizoram University hnuaiah hetiang hian result a nei.
–   Distinction - 4
- 1st Division –51
- 2nd Division -3
SCERT ah hian rualbanlo enkawlna Special Education Cell hi kum 1995 atang khan din tan a ni tawh a, kum 2005 khan NeHU hnuaiah Distance Education Programme neih tan niin Kum 2018 atangin B.Ed. Special Education Regular Class hi SCERT ah hian neih tan a ni. B.Ed.Special Education zirna hi India ram pumah SCERT Mizoram hi a nei awm chhun kan ni.
He Induction Programme hi Pi Zohmingthangi Deputy Director chuan lawmthu sawiin a khar a ni.
