SCERT Mizoram leh PARAKH, NCERT, New Delhi te ṭangkawp buatsaih 1-DAY WORKSHOP WITH DISTRICT LEVEL COORDINATORS AND DISTRICT LEVEL MASTER TRAINERS FOR MIZORAM chuan November ni 4, 2024, thawhṭanni khan SCERT, Mizoram Auditorium ah neih a ni.
Training hawnna hun hi Pu Lalliansanga, Deputy Director, SCERT, Mizoram in a kaihruai a Master trainer tura thlanchhuah kalkhawmte lawman hun a hman zawhin PARAKH, NCERT, New Delhi aṭanga Resource Person lo kal te inhmelhriattirna hun a hmang a.
Online Google Meet kaltlangin Prof. Indrani Bhaduri, CEO & Head PARAKH, NCERT chuan PARAKH SARVEKSHAN 2024 chungchang sawihawnna hun hmangin PARAKH SARVEKSHAN 2024 hi National Achievement Survey (NAS) tih ṭhin a ni a, hei hi India ram pumah December ni 4, 2024 ah neih tur a nih thu a sawi a. Foundational, Preparatory leh Middle stage zirlaite thiam chin hriatnaa nih angin pawl 3, pawl 6 leh pawl 9 zirlaite puala buatsaih a ni a. Ram puma naupangte thiam chin hriatna tur pawimawh tak a nih avangin, a mawhphurtute, a bik takin Field Investigator te pawhin fimkhur tak leh fir taka inkaihhruaina dan duansa-te an zawm a ngai a. State dangah sikul zirtirtute ṭhahnem an ngaih vanga naupang chhan tur an lo chhansak chanchin sawi tur awm ṭhinte chu pawi a tih thu a sawi a. Chutihrualin, Mizoram team te chu hun kal tawhah pawh record ṭhatak an neih thu leh, PARAKH NCERT team te nen inpawh taka an thawhho mek thusawiin Mizoram team chungah lawmthu a sawi a. PARAKHSARVEKSHAN 2024 pawh hi hlawhtling taka tihzawhfel a nih ngei a beisei a, mawhphurtute leh hmalatu tur zawng zawngte duhsakna a hlan a ni.
Master Trainer kalkhawmte aṭanga zawhna awmte Prof. Indrani Bhaduri chuan chhan chhunzawmin Mizoram-in harsatnaa tawh ṭhinte chu a theih ang anga sutkianpui a tum thute a sawi bawk.
Dr. Lalduhawmi Thomte, Joint Director SCERT, Mizoram chuan National Achievement Survey (NAS) pawimawhnate sawiin PARAKH Rashtriya Sarvekshan 2024, December ni 4-a neih tur inbuatsaihna atan Piloting Sate 10 ah kalpui a nih thu leh chung zingah chuan Mizoram hi Piloting titura thlan a ni a, May ni 8-10 khan School 37-a zirlai 1336-ah survey neih a nih tawh thu a sawi a. PARAKH Rashtriya Sarvekshan 2024 atana Mizo naupangten Survey-a zawhnate an hmelhriat nan leh inbuatsaihna atan SCERT leh Samagra Shiksha ṭangkawpin November thl atawp lamah Pre-NAS Survey hi School tinah pawl 3, pawl 6 leh pawl 9 ah te neih a nih tur thu a sawi. PARAKH, NCERT, hotute’n Mizoram laka an beiseina te tihlawhtling tura theihtawp chhuah ṭheuh turin kalkhawmte chu a fuih a, duhsakna a hlan a ni.
Workshop hawnna programme tawi hman a nih zawh hian Workshop ṭan a ni a, PARAKH, NCERT leh SCERT, Mizoram aṭangin Resource Person te’n hun an hmang a. He 1-DAY WORKSHOP WITH DISTRICT LEVEL COORDINATORS AND DISTRICT LEVEL MASTER TRAINERS FOR MIZORAM-ah hian District hrang hrang aṭangin District Level Coordinator leh Master Trainer tur mi 43 an tel thei a ni.
NCERT hmalakna lian tak pakhat Performance Assessment, Review and Analysis of Knowledge for Holistic development - PARAKH hi NEP 2020-in India ram zirna kalphung thar a ruahmante tihhlawhtlinna tur peng pakhat a ni a. India rama district 782-a School 8800-ah survey hi neih tura ruahman niin pawl 3,pawl leh pawl 9 zirlai naupang nuai 23 chuang chhan tur-inzawhna ṭawng 22-a buatsaih a ni a. Naupangte thiam dan chin rualkhai zawka tehna hmanrua niin School Education hmasawnna tura ruahmanna siam dan tur hriltu pawimawh tak a ni bawk.
 |  |
 |  |
