Director’s Speech at Purple Fair, 2025
SCERT hian rualbanlote tan kum 1985 atangin rualbanlote zirna (Education of the Disabled) hi a bul kan tan a. Tun thleng hian rualbanlote hi kan ngai pawimawh em em a, rualbanlote enkawlna atan bik hian Special Education Cell tunah pawh hian kan la nei a, officer fel tak tak engemaw zat kan nei a ni. Chumi piah lamah pawh India ramah SCERT-a B.Ed. Special Education zirna nei awm chhun kan ni a, tunah hian course pahnih B.Ed. Spl.Edn. (Visual Impairment) leh B.Ed.Spl.Edn. (Hearing Impairment) zirna kan kalpui mek a ni. Tichuan SCERT hi rualbanlo enkawlna lama mithiam (trained teacher) chherchhuahna hmunpui kan ni ta a ni. Chuvang chuan vawiina ‘Purple Fair’ kan han hmangte hi keimahni ta a ni a, a hlu kan ti. Ka ngai pawimawh em em a, ka ngai hlu hle bawk a ni. Tunah pawh hian hei thil hrang hrang in han ti a, in hmuhnawm kan ti em em.
India sorkar in rualbanlote hmasawnna hi a ngai pawimawh em em a, chutiang avang chuan rualbanlote tan dan tha tak tak te a duang a. Tunah hian Mizoramah sorkar hnaah ngei pawh hian rualbanlo tam tak an lut tawh a, anmahni kea ding mai piah lamah chhungkaw chawmtute pawh an lo ni thei ta a ni. Chutiang khawp chuan hmasawnnate a tam a, rualbanlote tan hian kawl a eng nasa tawh a ni.
Tunah hian SCERT-te hian rualbanlote hmasawnna atan hma kan la nasa hle a. Tuna Mizoram sorkar Education Department a ‘Samagra’ kan tih in a Mizoram school hrang hranga rualbanlote enkawlna hna thawktute pawh hi SCERT office atanga training chhuak deuh vek te an ni. Chutiang ang part pawimawh tak latute kan ni a, tuna ‘Purple Fair’ buatsaihtute NILD (National Institute for Locomotor Disabilities), Regional Centre hi keimahni office building ah hian hmun kan pe a, vawiin ni thleng hian helaiah hian Mizoram tan rawng an la bawl mek a ni. Hengte pawh hi kan hmalakna a ni a, a lawmawm ka ti a, vawiinah min rawn sawm ve a, thil tam tak sawi tur awm mahse thil thui tak ka sawi lo ang a. Vawiina hetiang ang hun kan hmang thei hi a hlu ka ti a, hlim taka hun hmang theuh turin in zavaiin duhsakna ka hlan vek a che u.
