District Centre for English (DCE), SCERT, Mizoram buatsaihin ni 4 awh, Teacher Enrichment for Government English Medium Primary Schools chu April ni 22 -25, 2025 khan neih a ni a. He training ah hian Aizawl South Sub-Division chhunga Government Primary School, English Medium-a inlet school pariat aṭangin zirtirtu 47 an tel.

Training hawnna programme hi April ni 22 (Thawhlehni) 2025 chawhma dar 10 khan SCERT Auditorium ah hman a ni a, Pi Lalnunsiami, Deputy Director in programme a kaihruai. Dr. LalduhawmiThomte, Joint Director, SCERT chuan kalkhawmte fuihna thu a sawi a, Thiamna tluantling nei tur chuan a bulṭhut aṭanga zirna ṭha neih a ṭulzia  sawiin, Chumi atana Primary school zirtirtute mawhphurhna san zia te, NEP 2020 in zirna bulṭhut (Foundaional Stage) a ngaih pawimawh thu leh mahni pianpui ṭawng (Home Language) naupangin an thiam bel a pawimawh zia te, hmasawnna atana ṭawng chi hrang thiam pawimawhna te a sawi bakah training hun rei lotê an neih chu hlawk taka hmang turin zirtirtu kalkhawmte a chu fuih. Pu PC Vanlalruata, Tutor, SCERT in lawmthu sawiin Training hawnna programme hi a khar.

Training hi vawiin ni April ni 25 (Zirtawpni) hian zawhfel a ni a. Ni li chhung hian sawrkar Primary School English Medium Zirtirtute'n Language zirtir dan bakah heng topic hrang hrang – ECCE, Life Skills, Holistic Progress Card, ICT, Cyber Safety & Security, NEP 2020 te leh Lesson Plan siam dan te zir a ni.