SCERT chuan Teachers Day 2019, September Ni 5 ah lawmna hun neiin, a lawmna hmasa zawk atan B.Ed Special Education zirlai ten SCERT compound chawhma lamah ti faiin, function hlimawm tak hman chhunzawm a ni a.

Chawhnu lamah SCERT faculty ten Teachers Day 2019 lawmna program huaihawt leh in, Pi Laldawngliani Chawngthu, Director in he ni pual hian thuchah pawimawh tak a sawi a. Director chuan, teacher educator anga hriat ni mah ila, kan thinlung ah chuan naupangte zirtirtu kan ni vek a. Zirtirtu te hnathawh chu thil ropui tak,  nundan tha leh kawng dik kawhhmuh tu kan ni a ti . SCERT hian topic pawimawh hrang hrangah in-service teacher te tan training a buatsaih thin a. B.Ed (Spl.Ed) zirna a neih bakah DIET pahnih Aizawl leh Lungleiah B.Ed zirna a nei bawk a.District Pariata DIET-ah D.El.Ed zirna a nei bawk a ni.

Officer thenkhat hnen atangin thusawi tawi ‘Zirtirtute hlutna leh pawimawhna’ chungchangte tha tak tak ngaihthlak a ni bawk. Alvin Toffler a thusawi- ‘The illiterate of the 21st century will not be those who cannot read and write, but those who cannot learn, unlearn, and relearn’ tih chu sawizauna hun neiin, Director chuan mihring ten hmasawn zel tur chuan chhum lo chat lo a zir zelin, kan lo tih dan than te pawh a tha tawk lo chu kalsan ngam a, thil thar zir zel a tul zia thu a sawi a. Kothari Commission a tarlan ‘ the destiny of India is being shaped in her classrooms’ sawichhuakin zirtirtute  pawimawhzia pawh a sawi bawk.