March ni 26, 2024 khan ni thum awh tur SCERT Auditorium-ah Training of Teachers on School Health Program for implementation of Adolescents Education Program at Private School in Mizoram chu Aizawl District tan hawnna leh training thawhkhatna neih a ni.
He Training hi SCERT, MSACS, School Education Department leh DAPCC, Aizawl District te thawh honaa buatsaih a ni.
He Training ah hian Aizawl District huam chhunga Private School 25 atangin ziritrtu pahnih theuh tel tura beisei a ni.
Training hawnna inkhawm hi Pi Lalnunsiami, Dy.Director, SCERT in a kaihruaia, Dr. Lalduhawmi Thomte Jt.Director leh Dr.R.Lalnienga District AIDS Control Officerten thusawina hun an hmang. Pi Laldampuii, Project Coordinator chuan training kalphung leh nihna sawifiahna hun a hmang bawk.
Training buatsaih a nih chhante chu:
1. Zirlaiten nun dan tha leh hrisel an neih theih nana zirtirtu in a puih theih nan leh kawng dik a kawhhmuh theih nana zirtirtute buatsaih.
2. Naupangin an kum mila an mamawh taksa leh rilru hrisel an neih theihna atana ziritrna tha leh himdam an dawn theih nana zirtirtu te tuai hriam.
3. An than chhohna kawnga harsatna awm theite hmachhawn tura nun dan thiamna (life skills) naupangin an neih theih nana zirtirna pe tu tur zirtirtute thiamna tihpun.
4. Anmahni leh khawtlang hmasawnna atana thawk chhuak tura naupang chawhphur kawnga zirtirtu te buatsaih.
5. An nunkawng tichhe thei heng – ruihhlo hmansual leh mipat hmeichiatna hmansual laka naupang an him theih nan te, natna tha lo HIV/AIDS leh natna hlauhawm dangte laka naupang an hm theih nan ziritrtu in zirtirna tha a pek theih nana buatsaih.
