Ni 19th—21st March 2024 khan Regional Science Centre,  Khannapara, Guwahati-ah a vawi khatna atan North East India Science Fair (NEISF) chu neih a ni a. He hun chhinchhiah tlak leh pawimawh taka zirlai leh zirtirtu Mizoram atanga kalte hi Pu PC Lalrintluanga, Science Consultant, SCERT-in a ho a ni.

 

 He Science Fair atana theme thlan chu “Science & Technology for Society” tih a ni a. Sub-theme 5-ah then leh niin hengte hi an ni. (i) Live (Life style for Environment), (ii) Health, (iii) Agriculture, (iv) Communication & Transport, leh (v) Computational Thinking.

 

 Mizoram atangin naupang 10 leh zirtirtu 2 an tel thei a. District Education Officer ten an District theuhvah puang zarin sikulin an rawn dil a, sikul hrang hrang atangin Science Fair-a tel tumte hian a chunga sub-theme 5 atangte khian write-up siamin SCERT-ah an thehlut a, an write-up thehluh te hi Science Promotion Wing, SCERT-a officer te leh Department pawn atanga mithiam sawm bik ten ngun taka endikin sub-theme tina tha ber zel an thlang chhuak a, heng thlanchhuahte exhibit/model te hi Science Laboratory, SCERT-ah thuamthat pui leh vek an ni.


1st NEISF 2024-ah hian North East State 7 (Assam, Arunachal Pradesh, Nagaland,   Manipur, Meghalaya, Tripura leh Mizoram) te an tel kim vek a.  Science Fair-ah hian Scientist thu sawi te, Magic show, Cultural programme, Quiz te buatsaih a ni bawk.  SCERT, Mizoram chuan NEP 2020-in Science zirna atana a ngaih pawimawh tak tihlawhtlingtu zirlai leh zirtirtute leh  sikul te a chhuangin a ngaihlu hle a, an kal leh zelna turah duhsakna a hlan a ni. 

  

Mizoram atanga 1st NEISF 2024-a tel naupang, an sikul leh an exhibit/model te chu hetiang hi a ni:




Sl. NoName of StudentsName of SchoolSub-ThemeName of Exhibit/Model
1

1) Emanuel Zarzomawii

2) David Malsawmtluanga

Govt. Chaltlang 

High School, Aizawl

Life (Life Style for  Environment
Sustainable Mixed Farming
2

1) Lalmuanpuia

2) Mary Lallawmawmi

Govt Hrangchhuana

High School, Aizawl

Agriculture


Integrated Farming


3

1) Hmingthansangi

2) Ricky Lalnunfela

St. Joseph Higher Secondary

School, Aizawl

Health


Health


4

1) Laduhdiki

2) Lalhriatmawia

Govt. Central High School, Aizawl


Communication & Transport

Ropeway


5

1) Lalsangliani

2) Vanlaltlanawma

AR Ells School, Aizawl


Computational Thinking


Traffic Light Management System for Bridge