3-Day Training of Private School Teachers in Aizawl on School Health Module 

Aizawl-a Private School zirtirtutete pual training

MSACS leh SCERT te buatsaih, Aizawl-a Private School zirtirtutete pual, nithum chhung awh tur School-a hriselna lam hawi zirtirna chu vawiin khan SCERT Auditorium, Aizawlah tan a ni. 

Training hawnna inkhawmah hian MSACS Project Director, Dr. Jane Rinsangi Ralte chuan thu sawiin, zirtirtute chu naupangte ngaihsan (role model) an nih angin an thu kamchhuakte chu naupangten an ngai pawimawh thina, chuvangin training-a an thil zirte chu an zirlaite hnenah tha taka zirtir turin a chah bawk. 

Kan ram HIV dinhmun tarlangin, Kum 1990 atanga kumin March 2026 thlenga kan rama HIV kai pun dan te thlirho a ni a, MSACS-in HIV do nana a hmalakna hrang hrangte tarlangin, he natna do tur hian Sawrkarte, pawl hrang hrangte leh mipuite tan ho a tulzia a sawi. 

Dr. Jane-i chuan training buatsaih min phalsaktu School Education Department te chungah lawmthu sawiin, SCERT te nen training an buatsaih thei leh thawhhona tha tak an nei chu lawmawm a ti hle.a ni.  MSACS leh SCERT tangkawp hian kum 2024 leh 2025 chhung khan Aizawl District chhunga private school 174 te chu training pek an lo ni tawha, tun tumah hian private school zirtirtu 50 lai he training programme-a an tel thei chu lawmawm a tih thu a sawi.

Training module-ah hian topic sawm pakhat (11) a awm a chungte chu - Growing up Healthy, Emotional Wellbeing and Mental Health, Interpersonal Relationships, Values and Responsible Citizenship, Gender Equality, Nutrition Health and Sanitation, Prevention and Management of Substance Misuse, Promotion of Healthy Lifestyle, Reproductive health and HIV Prevention, Safety and Security Against Violence and Injuries, Promotion of Safe use of Internet and Social Media Behaviour te a ni a. Zirtirtu kalkhawmte chu heng topic hrang hrangte hi zirtir an ni.