Theme : “TECHNOLOGY AND TOYS”

Organised by: SCERT, Mizoram in collaboration with NCERT, New Delhi

Venue : Govt. Chaltlang HS & HSS

Date : 23.9.2022 (Friday)

  Science Promotion Wing, SCERT, Mizoram chuan Science leh Mathematics zirna tih hmasawn nan Science Exhibition hi kum 1978 atang khan a lo buatsaih thin a, kumin hi a vawi  41-na a ni. Science Exhibition atang hian mithiam thahnem tak an lo chhuak tawh a ni. Science exhibition hi Stage-2 in buatsaih thin a ni a, State level leh National level-ah. State level a ti tha te hi National level ah an tel thin a ni.

  Kumin State Level Science, Mathematics and Environment Exhibition Theme chu “Technology and Toys” tih a ni a. Theme behchhan hian Mizorama sikul chi hrang hrang ten model siamin an rawn exhibit a. Mizoram chhunga District 5 te atangin school hrang hrang ten model/exhibit 27 an pho chhuak a ni. 

  Khuallian Dr Alice Lalchhandami Fanai, Joint Director, SCERT chuan Covid 19 hripui vanga harsatna kara Science Exhibition buatsaih theih a ni chu lawmawm a ti hle. National Education Policy 2020 in a ngaih pawimawh em em thiamna tluantling leh huapzau neih theihna chu Science Exhibition hi a ni a ti bawk. Naupang te ngaihtuahna/suangtuahna leh zirtirtu te thiamna luang khawm a taka chantirna pawimawh tak a ni a ti. 

  Exhibition rual hian Science zirtirtu te leh naupang te tan One day Seminar on Popularization of Science neih a ni a, thupui pawimawh tak, “Scientific Academic Institute of India” hmangin Pu Zothansiama, Asst Prof. Dept of Zoology, MZU in hun a hmang a, Pu F. Lalliansanga Deputy Director (SPW), SCERT-in “INSPIRE Awards MANAK Scheme” thupuia hmangin hun a hmang bawk.