Lunglei, 2026 Ṭomir thla ni 8: 44th Rajya Stariya Bal Vaigyanik Pradarshani (State Level Science Exhibition tia hriat ṭhin) chu May ni 7–8, 2026 chhung khan Government High School Lungleiah hlawhtling taka buatsaih a ni a. Vawiina a kharna inkhawm buatsaih chu Lunglei West bialtu MLA Pu T. Lalhlimpuia'n Khuallian niin a hmanpui.

Pu T. Lalhlimpuia chuan Science leh Mathematics-in ramri kham a nei lo tih sawiin, Science chu thu dik leh thil tak taka tawp ṭhin, subject danglam leh ropui tak a nih thu a sawi a. India-in kum 2047-a Atmanirbhar Bharat (Developed India) nih a tumnaah tuna zirlaite hian tih theih an ngah thu leh an tel ve tlat thu sawiin, zirlaite Science Exhibition-a an tihchhin leh thil hmuh chhuahte leh Science-a an thil zirte chu an ni tin nuna hmang ṭangkai zel turin a chah a. Science leh technology hmanga tualchhuak thil thar chin chhuah leh ngaihtuah chhuah tum zel tur te, chhim lam kawngpui lian sial mek KMMTTP-in remchanna leh hna tam tak a siam tur chhawr ṭangkai thei tura ṭawng leh thiamna ngaite lo nei lawk turin zirlaite a fuih bawk.

Vawiina Science Exhibition kharna leh lawmman semna inkhawm hi Lunglei District Education Officer & District Project Coordinator Pu Micky R. Lalenkawla'n a kaihruai a. SCERT Deputy Director Pu F. Lalliansanga chuan report pein, India ramin kum 2047-a ram intodelh leh ngelnghet (Viksit leh Atmanirbhar Bharat) nih a tum hlawhtlinna atan Science zirna pawimawhzia te, Science Exhibition lo chhuah dan leh zirna hmasawn nana rahbi pawimawh tak a nih thu te a sawi a. Endiktu ai awhin IASE Assistant Professor Dr J. Lalsangzuala chuan endik nana tehfung an hman te sawiin, zirlai naupangte hmasawnna leh theihna chhuanawm a tih thu a sawi a. NCERT DESM Prof. Ramavatar Meena pawhin Science Exhibition hlawhtling taka Mizoramin a kalpui chu lawmawm a tih thu sawiin, Govt HS Lunglei Headmaster Pu K. Lalsangkima'n lawm thu sawiin hun a khar.

RSBVP hi Mizorama Science leh Mathematics zirna tihhmasawn nan leh chawi lar nana Mizoram State Council of Educational Research & Training (SCERT) Science Promotion Wing (SPW), Lunglei District Samagra Shiksha leh NCERT, New Delhi te ṭang kawp-in an huaihawt a ni a. Kumin hian thupui (theme) atan "STEM for Viksit and Atmanirbhar Bharat" tih hman a ni.

Science Exhibition chhung hian May ni 7, 2026 khan "One Day Seminar on Popularisation of Science" chu buatsaih niin, District Institute of Education & Training (DIET) Lunglei Principal Pi Lalremruati Fanai chuan a kaihruai a. Seminar thupui atan "Reducing Plastic Pollution" (Plastic Bawlhhlawh Tihtlem) tih hman niin, thupui hi Lunglei Government College Zoology Department-a Associate Professor Pu R. Lalrochama chuan a sawi zau va. SCERT Deputy Director Pu F. Lalliansanga'n Science zirna tihhmasawnna atana sawrkar hma lakna chi hrang hrangte sawiin, INSPIRE Awards MANAK chungchang inkawhhmuhna hun hman a ni bawk.

Science Exhibition hi Dr J. Lalsangzuala (Assistant Professor, IASE), Dr T. Malsawmtluanga (Assistant Professor, Lunglei Govt College) leh Pu PC Lalrintluanga (Science Consultant, Science Promotion, SCERT) te'n endikin, sub-theme pasarih thlan chhuah hmangin endikna hi kalpui a ni.

Exhibition-a telte write up hi National Science Exhibition atan NCERT, New Delhi-ah thawn tur niin, chumi aṭang chuan National Science Exhibition-a tel tur an lo thlang chhuak dawn a. Science Exhibition aṭang hian Mizo naupang ṭhahnem takin hlawhtlinna lo chang tawhin, an zir zelnaah leh eizawnna kawng hrang hrangah nasa takin a lo pui tawh ṭhin a ni.

State Level Science Exhibition Result (Sub-Theme Wise):

1.Sustainable Agriculture

(1) 1st Position: Chiingelhawmchingi, Bethel Mission School, "Technological & Innovation in Farming"

(2) 2nd Position: Magdalene Lalpekhlui, CLS Academy, "Drip Irrigation: Gravity-based System"

(3) 3rd Position: Lizzy Lalremruati Mualchin, Lawitlang HS, "Mixed Farming"

2.Waste Management & Alternative to Plastics

(1) 1st Position: Lalpekhlui, PES Khawzawl Vengthar Pastorate, "Eco-Shield Bio Wrap"

(2) 2nd Position: H. Lalruatfela, St Pauls HSS, "Manual Representation of Automated Smart Dustbin"

(3) 3rd Position: Jenny Malsawmdawngi, Govt Bazar HS, "Waste Management (Plastic)"

3.Green Energy

(1) 1st Position: Lalruatfela Hauhnar, Govt HSS, Lunglei, "Hydro-power"

(2) 2nd Position: C. Lalrohlua, Govt Zotlang HS, "Wind Energy"

(3) 3rd Position: Thangbiakmawia, Bethel Mission School, "Micro Hydropower"

4.Emerging Technologies

(1) 1st Position: Caryl Vanlalveni Khiangte, CLS Academy, "Automatic Laundry Retracting Machine Using Rain Detection"

(2) 2nd Position: J. Lalhlimpuia, Baptist HSS, "Camera-based Gesture Controlled Bionic Hand"

(3) 3rd Position: T. Malsawmtluangi, Bethel Mission School, "Integrated Hydraulic System"

5.Recreational Mathematical Modeling

(1) 1st Position: Remruatpuia Pachuau, St Pauls HSS, "Monty Hall Problem"

6.Health & Hygiene

(1) 1st Position: Lalhmangaihthangi, PES Khawzawl Vengthar Pastorate, Rice Water Hair Gel

(2) 2nd Position: Lunbiakmawii, Bethel Mission School, Smart Village System for Prevention of Germ Spread

(3) 3rd Position: Janelle Lalbiakhlui Ralte, CLS Academy, Automatic Water Dispenser"

7.Water Conservation & Management

(1) 1st Position: Eunice Lalzikpuii Hrahsel, Govt Lunglei HS, "River Cleaning Machine"

(2) 2nd Position: K. Lalrengpuii, Baptist HSS, "Solar Assisted Hill Aquifer Recharge for Rejuvenation of Seasonal Stream"

(3) 3rd Position: B. Lalrinnungi, PES Khawzawl Vengthar Pastorate, "Self-Watering Plant System"

Best Guide Teacher: Isaac Lalengkima, Bethel Mission School, Champhai