Topic: “Quantum age begins:Prospects and Challenges”

 

19th September, 2025 hian Science Promotion Wing, SCERT Mizoram chuan Science leh Mathematics zirna tih hmasawn nan leh chawi nun nan kawng hrang hrang hmangin hma a la ṭhin a. NEP 2020 in Science zirna tih hmasawn nan leh zirlai naupang ten an thiamna leh theihna phochhuahna hun remchang siam sak pawimahzia a sawi chu Exhibition, Seminar, Drama, etc hmangin a bawhzui reng a ni. Student Science Seminar pawh hi kum 1979 aṭang khan kum tin District level-ah leh State level-ah buatsaih ṭhin a ni. He Science Seminar hi National Council of Science Museum, Ministry of Culture, Government of India nen ṭangkawpa buatsaih ṭhin a ni.

44th State Level Science Seminar thupui atan ‘Quantum age begins: Prospects and Challenges’ tih hman a ni. He Seminar hi Pi Caroline Zoramthangi, Director SCERT chuan khuallian niin a hmanpui a. Science & Technology khawvel a kan chen mek thu sawiin, kan hma lawka Quantum Age lo thleng mai tur leh lo thleng mek atan kan lo inbuatsaih a pawimawh a, a ṭha zawnga zirlai leh zirtirtu ten kan hman a pawimawh thu a sawi bawk. He Seminar hi Pi Zoramthangi Ralte, Joint Director, SCERT chuan a kaihruai a. Pu F. Lalliansanga, Deputy Director (SPW), SCERT chuan report pein, Thupui atana ‘Quantum age begins: Prospects and Challenges’   thlan a nih chhan chu, UNO in 2025 hi International Year of Quantum Science & Technology-ah a puang a, hemi atan India rama ṭhalaite kan lo in buatsaih nana tih a ni a. AI khawvelah kan chhung kai chho mek a, nasa leh zuala hman ṭangkai dan kan thiam a, fimkhur ngaihna kawngah pawh kan lo in ven thiam a pawimawh tih a sawi.

District hrang hrang aṭanga pakhatna ṭheuh ten an District ai awhin he seminar-ah hian an tel a, District 7 aṭangin zirlai naupang 7 an tel a ni. He Science Seminar hi heng mite hian an endik a, 

  1. Dr. C. Zoremsanganga, Scientist ‘D’, NIELIT, Mizoram
  2. Mr. Joel Lalbiakkima, Scientific Officer, MISTIC, Dept. of Sc. & Tech.
  3. Pu P.C. Lalrintluanga, Science Consultant, SCERT, Mizoram

State level a pakhatna hi Mizoram aiawhin National Science Seminar, ni 30, October, 2025 a Visvesvaraya Industrial and Technological Museum, Kasturba Road Bangalore, Karnatakaa neih turah a tel dawn a ni.

He Seminar a lawman la te chu :-

Winner – Lalruatfeli, St John’s Higher Secondary School, Kolasib

2nd Prize – K. Zodinpuii, CLS Academy, Nursury Veng, Aizawl

3rd Prize – Reuben Lalremsiama, Model High School, Khawzawl



for more Photo Click here