Ni 10 December, 2024 hian SCERT Auditorium-ah Science Promotion Wing, SCERT buatsaihin HSLC leh HSSLC 2024-a zirlai ti tha zual 73 te hnenah Incentive Cash Award hlanna neih a ni. He hunah hian Dr Vanlalthlana, School Education Minister chu Khual Lian a ni.

He programme hi Pi Caroline Zoramthangi, Director, SCERT chuan kaihruaiin naupang thiam thei-te leh programme hmanpuitute lo lawmna thu a sawi a, Pu F. Lalliansanga, Deputy Director chuan Report pe-in he Incentive Cash Award   hi kum 1978 atanga sem tan tawh niin kum 2024 hi a kum 47 na anih thu te, he programme in a tum ber ram hmasawnna tura Science leh Mathematics subject a ‘Tuina leh in elna thianghlim” a awm theih nana ruahman anih thu te a sawi a, HSLC leh HSSLC Board Exam-a Science leh Mathematics Subject a titha 1-na tanga 3na thleng lawman pek thin a nih thu a sawi bawk.  Kum 1978 atanga kum 2024 thleng hian naupang 6685 in he Cash Award hi an dawng tawh a ni.

Khuallian, Education Minister Dr Vanlalthlana chuan zirlaite fuihna thusawiin zirlaite chu an tum-ah chianga rilru nghet tak neia hmalam pan zel tura fuihin Incentive Cash Award semna hi a nei nghal a ni.

Pi Zoramthangi Ralte, Joint Director chuan lawmthu sawina neiin Programme hi a khar a ni.

            Science Promotion Wing (SPW), SCERT hi kum 1973 khan School Education Department hnuaiah din a ni a. Mizoram a Science & Mathematics zirna in hma a sawn theih nan leh State dangte ruala hmasawnna a kal ve theih nan din a ni.

            District Council hunlai khan Science leh Mathematics zirna hi Mizoram-ah a hnufualin a hniam hle a. High School zirtir thei zirtirtu an awm mang lo, Kum 1978 ah Mizoram sawrkar khan Incentive Cash Award for Proficiency in Science & Mathematics hi duang chhuakin, Assembly House –ah pass niin Legislate a ni.

            Dr. LN Tluanga, Pu Lalawia, Padma Shree A. Sawihlira te kha he Incentive Cash Award lo chhuah nana mi pawimawh tak tak te an ni.

            Zirbing mi ten Science leh Mathematics thiamna hi ram hmasawn nan, a bulṭhut pawimawh tak a ni tiin an sawi ṭhin a.  Chumi chang chawi chuan Incentive Cash Award for Proficiency in Science & Mathematics hi Education Department-in kum 1978 atang khan a duang chhuak a.

            Heng hun lai hian Mizoram quota-a Enginner leh Doctor zirna tur seat kan neih te kan luah khat zo lo nasa em em a ni.

            A tum pawimawh tak dangte chu school naupang zingah, Science & Mathematics subject-ah ‘TUINA LEH INELNA THIANGHLIM’ a awm theih nan leh tih lar nan kum tinin he Incentive Cash Award hi hlan thin a ni. Kumin hi a vawi 47-na a ni.

            Primary School Leaving Certificate (PSLC) leh Middle School Leaving Certificate (MSLC)/ Middle English School Leaving Certificate (MESLC) examination hi kum 2011 atanga a awm tak loh avangin, kum 2010 Board Examination result hmanga kum 2011 a Award kan pek kha, primary leh middle school te tana Award kan pek hnuhnung ber a ni ta a ni.

            He incentive Cash Awards hi kum 2018 thleng khan Class IX & XI Promotion Examination-a Science & Mathematics subject a ti ṭha ber te tan pek thin a ni, promotion examination question paper leh answer sheet te hi SCERT-ah endik leh vek ṭhin a ni.

        Kum 2023-2024 Cash Award dawng thei turte chu, HSSLC & HSLC, Mizoram board of School Education-in a buatsaih examination result aṭangin top 3-te an ni.     

HSLC:            

Science                        1^st – 8              2^nd – 17            3^rd – 21            = 46

            Mathematics                1^st – 3              2^nd – 6              3^rd – 4              = 13

HSSLC:

Mathematics                1^st – 1              2^nd – 1               3^rd – 1               = 3

Physics                        1^st – 1              2^nd – 1               3^rd – 1               = 3

Chemistry                    1^st – 1              2^nd – 1              3^rd – 1               = 3

            Biology                       1^st – 3              2^nd – 1               3^rd – 1               = 5

1.         HSLC (Science & Mathematics)                                           -           59

2.         HSSLC (Phy, Math, Bio, Chemistry)                                    -           14

                                                                                                         Total     -           73