Vawiin ni 26 May, 2022 (Ningani) hian Directorate of SCERT hnuaia B.Ed.Special Education (Hearing Impairment & Visual Impairment ) zirlaite chuan pianphunga rualbanlote zirna tih hmasawnna atana thiamnna chi hrang hrang an zirte pholanna Exhibition SCERT Auditorium-ah an nei.
He hun hi SCERT Director Pi Laldawngliani Chawngthu Chief Guest niin, Senior Officer, Faculty te leh thawktu zawng zawng ten zirlaite thiam thil entir hi an tlawh a, an ngai hlu in an hlawkpui hle.
Directorate of SCERT, B.Ed.Special Education zirna (Insitution) hian tunah ah zirlai (regular-a kal) 110 an nei mek a, heng zirlai te hi IInd Semester leh IVth Semester zirlaite an ni.
Directorate of SCERT, Mizoram hi B.Ed.Special Education India ram state hrang hrang hnuaia SCERT awmte zingah leh North East India ah Hearing Impairment & Visual Impairment inkawpa zirna nei awm chhun chu Mizoram chiah a ni nghe nghe.
He hun hi nilenga hman a niin chawhnu hunah B.Ed.Special Education (Hearing Impairment (H.I.) & Visual Impairment (V.I.) zirlai te tan kum tina hman thin angin ni 12 & 13 May, 2022 chhunga Annual Sport an neih Closing Function hun an hmang nghal bawk, hetah hian an infiamna lawmman te semin hun hlimawm tak an hmang zui nghal bawk a ni.
Tin he programme an hmanna ah hian an IVth Semester (Visual Impairment)-a an zirlai C.Ludy (blind) chu Princess India Beauty Contest Runner Up-ah a in hlankai avangin Directorate of SCERT chuan an chhuangin an lawmpui takzet a, he hunah hian a puala chawimawina hlan a ni bawk.