Ni 23.8.19 khan Career Exhibition, SCERT, Mizoram buatsaih chu Synod Conference Centre-ah neih a ni a. He exhibition-ah hian eizawnna (career) hrang hrang awmte tarlan leh entir a ni a. School thlan bik pali - Govt. Mamawii H/S, Synod Higher Sec. School, St. Paul's HSS leh Oikos HSS ten Arts, Science, Commerce leh Vocational stream-a eizawnna awm thei te chipchiar leh ngaihnawm takin an entir a. Heng School pali a zirlai sang chuangin he Exhibition hi an chhim a ni.

Pakhatna: St. Paul's HSS

Pahnihna: Oikos HSS

Best Exhibitor: Laltanpuia, Synod HSS

 

Programme kharna hunah hian Pu K. Laldingliana, Addl. Director, School Education Deptt chu Chief Guest niin, Pu MC Lalthankima, Jt. Director, SCERT chu Chairman a ni a. Career talk leh exhibition thlirletna Pu Lalhruaitluanga, Asst. Professor, Govt. Zirtiri Residential College leh Pu C. Lalhriatpuia, Editor, Hillsgate Magazine hnen atanga ngaihthlak a ni bawk.

Khuallian  Pu K Laldingliana Additional Director, Directorate of School Education chuan zirlaite fuihna thu tha tak sawiin “Naupangte chu an  rilru puthmang a positive tur a ni’ a tia a, an tum ruha, an taimak chuan hlawhtlinna an neih ngei ngei tur thu a sawi, mi tih dan copy lova, thil thar ngaihtuah chhuak turin zirlaite a fuih a ni.