English Language Teaching Institute (ELTI), SCERT hnuaia programme pakhat 6-Month Certificate Course in English Language Teaching for High School Teachers chu 10 – 13 May, 2022 chhung khan Final Contact programme neih a ni. 6-Month Certificate Course in English Language Teaching for High School Teachers hi ELT 6-month Course-a batch 2-na niin 15 September, 2021 khan online mode a kalpui tan a ni.
Tun tum programme bik hi high school zirtirtute tana buatsaih niin, Aizawl. Kolasib leh Serchhip district atangin high school zirtirtu engemawzat he online training-ah hian inziak lutin training hi an chhim thin a, online training hi google meet apps. hmangin nitin darkar khat kalpui thin niin ELTI Team, SCERT ten training hi an pe thin a ni. Kalphung pangngaiah chuan 6-Month Certificate Course hi offline a kalpui tur a duan a ni a, batch hmasa berah pawh offline a kalpui a ni. Covid-19 hrileng avangin kalphung pangngaia training theih a nih tak loh avangin online-mode hian he course hi kalpui a ni ta a ni.
Thla 5 chhung online a kalpui a nih hnuah Final Contact programme hi 10-13 May, 2022 khan SCERT Auditorium ah kalpui a ni a, final contact programme chhung hian Resource Person ten class an lak thin bakah anmahni lesson plan siam atangin Peer Teaching te neiin exam an nei nghal a ni. District pathum heng Aizawl, Kolasib leh Serchhip district atangte hian high school zirtirtu 40 laiin Final Contact programme hi an hmachhawn a ni. Training hi online a kalpui a ni chungin zirtirtute hian training an hlawkpui zia an sawi uar hle a, a lawmawm hle a ni.
