Vawiin ni 9 October, 2025 Ninga ni hian SCERT –a Special Education Cell bultumin naupang rualbanlo te tan ‘Colours of Inclusion 2025-Fest for Special School Children’ tih chu SCERT Office kawtzawl ah hman a ni.
Special Education Cell hi 1986 khan SCERT-ah tan a ni a. He Cell in a tum ber chu Mizorama Inclusive Education tih changtlun leh hmasawn tir a ni. Rualbanlo naupangte hmasawnna ngaihtuah leh an mamawh chi hrang hrang in ang lo tak tak te phu hruk sak an nih theih nana hmalak a ni. Chumi hmalakna zinga pakhat atan tuna kan festival huaihawt hi a ni. Programme hi Pi Zoramthangi Ralte Joint Director chuan kaihruaiin Vohbik naupang leh zirtirtu lo kalte lo lawmna thu a sawi a.
He programme a Khuallian Pi Caroline Zoramthangi, Director SCERT chuan he Festival huaihawt chhan te sawiin Rualbanlo naupangten khawtlanga inthlahrung miah lova nuam ti taka an awm ve theih a pawimawhin activity hrang hrang hmanga naupangte mahni inrintawkna siamsak te, midangte nena chenho thiam leh thian kawm an thiam nan te, activity hrang hrang an tih te hian an taksa leh rilru hmasawnna leh an hriatna chi hrang hrang ten hma an sawn theih nan te a pawimawh an beisei thu te a sawi a, Tin Rualbanlo te hi thil ti thei lo, infiamthei lo, thian kawm thei lo a kan ngaih thin dante leh hei hi kan thiah a hun tawh thu te sawiin vawiin a naupang lo kal zawng zawngte leh a lo hruaitu nu leh pa leh zirtirtu te hnenah lawmthu a sawi a, Director kaihhruaina hian vawiin atana slogan "Today is a special day, Every child can learn, every child deserves to be celebrated" tih chu sawi rual a ni bawk.
He Festival ah hian naupang intih hlimna hrang hrang te dah a ni a, a zai duh tan pawh nilenga an zai theihna tur stage te siam a ni a, rualbanlo school naupang te thilsiam phochhuahna tur stall engemaw zat siam a ni bawk.
He Festival ah hian School 6, Govt. Primary School-II, Durtlang, Special Blind School Durtlang, Redeem Garden, Ephatha Special School, Gilead Special School, Shining Star school te atangin naupang 119 an lo kal a ni.
