Dt. 26th November, 2025 khan Education Minister Dr. Vanlalthlana chuan  DIET Champhai Hostel Building a hawng a, Auditorium-ah hawnna programme a hmanpui nghal bawk.

Minister Dr. Vanlalthlana chuan thu sawiin he hostel building thar an neih avangin a lawmpui thu a sawi a, zirlai hmun hla atanga lo kal te'n an hman tangkai ngei a leh inngeih tlan zawk leh inpawh tlan zawk nan an hman ngei a beisei thu a sawi. DIET hmanga zirna an ti danglam hi Mizoramin a hmuh hmaih loh tih a sawi a, an fakawm tiin entawn tlak an ni a ti bawk. Zirtirtu leh zirlaite zirtirna ti danglamtu leh ti hmasawntu an nih theih nan theihtawp chhuah turin a chah a, an pawimawhna phochhuak turin tan la zel turin a fuih. Sawrkarin tul ang angah puih a tum zel ang tih a sawi bawk a, tha taka an thawh dun theih chuan zirna in ropui tak a ni reng ang tih a sawi a ni.

He hun hi SCERT Jt. Director Pi Zoramthangi Ralte chuan a kaihruai a, khuallian leh khual dang te lawmna thu a sawi bawk. District Education Officer Pi K. Lalsiamliani'n hostel sak danah technical report a pe a, DIET Principal Dr. H. Lalhruaitluanga chuan lawmthu sawiin hun a khar a ni.

He hunah hian School Education Director Pi Angela Zothanpuii, Samagra Shikaha State Project Director Pu C. Lalthanzira te'n Minister an tawiawm a ni.

DIET Champhai Hostel Building hi May ni 9, 2022 khan hna tan niin March ni 6, 2024 khan zawh a ni a, sak nan a vaiin ₹2,18,65,593 ( cheng vaibelchhe 2.18) sen a ni.