District Institute of Education and Training, D.I.E.T Aizawl   chuan Ni 8 & 9 April,2025 chhung hian Educational Fair cum Carnival a buatsaih a,Director, SCERT, Pi Caroline Zoramthangi’n hawnna hun hmangin, he hunah hian zirlaite hmakhua thlirpuina hun Career Guidance and Counselling hun buatsaih niin, zirlaite an zirlai nen a inkungkaih heng subject Mathematics, Science leh Literature ah te exhibition neih a ni bawk . Tin, vocational skills lama tui te tan Art and Craft – thiam thil chi hrang hrang pho chhuahte hmuh tur a awm bawka. Kan hnam nih phung leh chin dan   te pholanna hun History & Culture hnuaiah buatsaih niin, zirlaite leh zirtirtute an zirlai leh zirtirna kawng a  hmasawnna tur Innovative Teaching Learning Material chi hrang hrangte hmuh leh en tur te pholan a ni bawk ani. Educational Fair piah lamah hian Carnival buatsaih ani a, he hunah hian intihlimna chi hrang hrang : -   Punching machine, Cloud Photo Booth, Portrait Painting, Fortune Telling, Dart Throw, Food Stall te leh Bookstore chhim tur a awm bawk a ni. 

He hun hi mi nawlpui chhim theih a duan ni mahse, zirlai, zirtirtu ni mek leh ni tur a inbuatsaihte hmasawnna leh an tangkaipui tur ngaihtuah a buatsaih anih avangin, Aizawl district chhung a school hrang hrang, college leh university atangin zirlai leh zirtirtu mi engemawzat in an chhim a ni. Tin, pawn lam atang a chhimtu engemaw zah awm bawkin, hlawkthlak leh hlimawm bawk sia, a chhimtute tan hun buatsaih ani. A hun tawpni April ni 9 ah pawh hian mi  zawng zawng lo tel a, chhimsak theuh turin an sawm bawk a ni.