International Literacy Day, 2025 chu 8th September 2025 khan Dr. Ambedkar International Centre (DAIC), New Delhi ah hman a ni a. He program-ah hian Pu Jayant Chaudhary, Hon’ble MoS (I/C) for MSDE and MoS for MoE chu khuallian a ni a.
Dr. Vanlalthlana, Hon’ble Ministers of Education, Mizoram leh Hon’ble Ministers of Education, Tripura te chu khual zahawm an niin, ziak leh chhiar thiamna lama an state hmasawnna te an tarlang. Pu Sanjay Kumar, Secretary, DoSEL, Ministry of Education leh Pi Archana S. Awasthi, Joint Secretary, DoSEL te pawhin India rama ziak leh chhiar thiam dinhmun te tarlangin hmasawnna kawng hrang hrang an sawi bawk.
Minister chuan Mizoramin ziak leh chhiar lama bul kan tan dan te sawiin hawrawp kan neih theihna chhan leh ziak leh chhiar kan thiam chhan chu British lal hun laia Christian Missionary-te vang a nih thu a sawi a. Ziak leh chhiar chu inzirtir chhawng zelin India ramin British laka Independence kan neih hnu khan ziak leh chhiar thiam kan pun theihna pawimawh tak pakhat, Adult Education Wing a rawn din thu a sawi a. He Wing hian New India Literacy Programme (NILP) tan hma nasa tak lain kum 2022-23 khan 96.41% lai mai literacy rate kan neih theih tak thu a sawi a ni.
Mizoram atangin Pi Caroline Zoramthangi, Director, SCERT, Pi Lianhlupuii Hnamte, Nodal Officer, SCL, SCERT leh Pu C. Lalthanzira, SPD, Samagra leh Pu Andrew Lalrintluanga, DSPD, Samagra, Pu Malsawmtluanga, Program Officer, Pi N. Vanhlamawii, Assistant Program Officer an kal a. Lawngtlai District atangin Volunteer Teacher pakhat , Neo-Literate pathum (LADC area atangin pahnih leh CADC area atangin pakhat) an kal a ni.
 |  |
 |  |
