Ni 8 September 2026 khan Ministry of Education and Literacy, Government of India chuan International Literacy Day lawmna hun Dr. Ambedkar International Center (DAIC), New Delhi ah a buatsaih a. He Program ah hian Pu Jayant Chaudhary, Hon’ble Minister of State (Independent Charge), Ministry of Skill Development and Entrepreneurship (MSDE), and Minister of State, Ministry of Education (MoE) chu Khuallian a ni a. Mizoram Education Minister zahawm tak Dr. Vanlalthlana leh Fully Literate a puan tawh state dang 7 leh UT Minister te chu Khualzahawm niin he program hi hlawk taka hman a ni. Department of School Education and Literacy (DoSEL) Joint Secretary Pi Archana S. Awasthi chuan India rama lehkha thiam dinhmun tlangpui a pho chhuak a, lehkhathiamna kawnga hmasawnna leh hlawhtlinna hrang hrangte a sawi lang bawk.

‘Champa finna’ tih lehkhabu CNCL, NCERT in an buatsaih chu kan Education Minister hian a tlangzarh nghal bawk a ni.

A tuk ni September ni 9, 2026-ah National Bal Bhavan hmunah Mella neih chhunzawm a ni a. State tin atangin stall siam a ni a. Mizoram stall-ah pawh hmanrua engemaw zat pho chhuah a ni.

Mizoram Officials - Pi Caroline Zoramthangi, Director, SCERT; Pi Ng. Fanchun, Joint Director, DSE; Pu C. Lalthanzira, SPD, Samagra Shiksha; Pi Lianhlupuii Hnamte, Nodal Officer, SCL, SCERT leh Pi C. Lalnunmawii, CAEO, DSE ten he program hi an zuk hmanpui a, heng bakah hian Lunglei District atangin Volunteer Teacher 3, Learners 3, leh Neo-Literate 3-ten Mizoram aiawhin, he hunah hian an tel a ni.