27th November, 2024: Vawiin khan Taitesena Hall Venglai Kolasibah Education and Vocational Guidance and Counselling Cell, SCERT buatsaihin ‘District Level Career Exhibition’ neih a ni a. He hun hi Kolasib Bawrhsap Pu Robert C. Lalhmangaiha chuan Khuallian niin a hmanpui.
Khuallian Pu Robert C. Lalhmangaiha chuan Exhibition hawnna thu sawiin, zirlaite chu an tumah an chiang tur a ni, a ti a. Kolasib District chhunga education hmalakna hrang hrangte chu lawmawm a tih thu sawiin, heng hmalaknate hi zirlaite tana thil tangkai tak a nih thu a sawi . Exhibition-a tel zirlaite chu an thiamna leh ngaihtuahna pholang tura an lo kal chu lawmawm a tih thu a sawi bawk.
Bawrhsap chuan zirlaite fuihin, "In nun la hmang chho tur in ni a, tumruhna nen in hun in hman a ngai a. Chhungkua a din a, hlawhtlinna nei turin tumruhna leh tihtakzetna a ngai a ni," a ti . Sorkar hnain mi zawng zawng a daih vek loh avangin, thiamna leh theihna te chu daihzai zawka hmanga, chhungkaw tana tangkai thei tura mahni theihna lantir a tul thu a sawi bawk.
Faina kawngah Bawrhsap chuan kalkhawmte chahin, bawlhhlawh paih dan leh inchei dan thlengin fai leh thianghlim taka nun a pawimawh thu a sawi.
Vawiina Exhibition puala hun hman hi Pu Vanlalchhana, DEO Kolasib chuan a kaihruai a. Pi Florence Lalrinpuii, Deputy Director SCERT hnen atangin inlawmna thusawi ngaihthlak a ni a, Pi Lalrindiki Lecturer, SCERT hnen atangin report tawi ngaihthlak a ni.
He hunah hian theme hrang hrang hmangin exhibition High School 10 atangin neih a ni a. He exhibition a lawmman latute chu heng te hi an ni:
Vocational stream
1st : Govt Diakkawn High School
2nd: St James High School
3rd: Govt Thingdawl High School
Science stream
1st : Chawnghmingliani Memorial High School
2nd: Govt Kolasib High School
3rd: HT High School
Commerce Stream:
1st : St. John Higher Secondary School
Arts stream
1st : Susane Downs Boarding School
2nd: Rengtekawn High School te an ni
Kum 1981-a SCERT hnuaia din Educational and Vocational Guidance and Counselling Cell hian NEP 2020-in a ngaih pawimawh ang takin, High School leh Higher Secondary zirlaite chu an theihna leh tui zawng mila zir tur leh eizawnna kawng akawhhmuh bakah, an rilru leh nungchang harsatna (mental & emotional issues) sutkian pui a tum a. He Cell hian zirlaite tana hma a laknaah Career Exhibition leh Career Awareness te hmun hrang hrangah (Kolasib tiamin) a buatsaih ṭhin a, zirtirtute tan pawh Guidance & Counselling Certificate Course te buatsaihin, zirlaite chu mahni inhaikaw thei tura chher hriam leh fuih phur hna a thawk thin a ni.
Pi Laldinmawii, Principal, DIET Kolasib in lawmthu sawina a neih zawh in vawiin hun hi khar a ni.
 |  |
 |  |
 |  |
 |  |
