January ni 15, 2025 khan Pariksha Pe Charcha 2025 (PPC 2025) programme -ah K. Vanlalsanga, Class XI, Govt. Mizo HSS zirlai leh Lalthazuala, Lecturer, Govt. Mizo HSS te chu Mizoram aiawhin Mumbai ah an tel.
Pariksha Pe Charcha hi ram puma zirlai, zirtirtute leh nu leh pate tana Prime Minister Narendra Modi-in zawhna an zawh duh apiang zawh theihna remchang MyGov.in website hmanga buatsaih a nih bakah state tina mi vannei tlemte in a chenna hmuna an kawm theihna hun tur ruahmanna a siam a ni a. Tin, PPC 2025 atan hian India ram khawpui pali-ah January 12 -18, 2025 chhung hian thupui hrang hrang hmangin panel discussion buatsaih a ni bawk a, Mizoram tan hian Mumbai a Yash Raj Film Digital Studio pek kan ni a, kan topic chan chu Using Tech & AI as a study partner tih a ni. He hunah hian mithiam thlan chhuah te’n AI hmanga film an siam thin dan chi hrang hrang entirin an sawifiah a, Technical Guruji, India rama electronic gadget lama mi hmingthang pawhin he hun hi a hmanpui bawk. Mizo naupang K. Vanlalsanga pawhin zawhna te zawt ve in, hlawkthlak a tih thu a sawi.
 |  |
 |  |
