SCERT in Poetry Festival 2023 & Proficiency Award in English 

          SCERT in kum 2011 atanga kum tina an hman thin Poetry Festival chu 11 & 12 December, 2023 hian SCERT Auditorium-ah hman a ni.  He festival-ah hian Pu R.Lalbiakzuala, Joint Secretary, School Education Department chu khuallian niin, zirlai thu leh hla lama tuimi tam tak an awm hi lawmawm a tih thu a sawi a, kawng engkimah saptawng thiam a pawimawh a, sorkar hnathawhna kawngah pawh a tangkai em em a ni a ti. Khuallian chuan hmanlai naupangten an neih ve loh hetianga an talent phochhuahna platform an nei ta hi tunlai naupangte vannei a tih thu a sawi bawk. 

He festival-ah hian Higher Secondary School naupangte tan bik On the Spot Poetry Writing Competition buatsaih thin a ni a, hei hi zirlai naupangten thu leh hla tuina an lo neih theihna tur leh an talent pho chhuah sakna a nih bakah, English language-a hma an lo sawn theihna atana buatsaih a ni. He intihsiakah hian lawmman pakhatna atanga pathumna siam thin niin, trophy, certificate leh tangka fai pek thin an ni. Kumina lawmman dawngtute chu -  

1^st Prize -  Hunropuii, St. Joseph HSS

2^ndPrize – K. Vanlalrohluna, Dawrpui school of Science and Technology

3^rd Prize – Lalchawimawia, St. Joseph HSS

He festival-ah hian Proficiency in English Award sem thin a ni bawk a. Hetah hian HSLC leh HSSLC-a English subject-a ti tha te hnenah chawimawina pek thin a ni. Kum 2011-a bul an tan atangin vawiin a mi 33 hnena an hlan te nen, he chawimawina hi zirlai 369 te hnenah pek a ni tawh a ni. He chawimawina hian certificate bakah tangka fai a keng tel a ni.