GOVERNMENT PRIMARY SCHOOL THLANCHHUAH SCHOOL 15-AH SCERT BUATSAIHIN READING FESTIVAL HMAN A NI.

Hundred Days Reading Campaign chhunzawm  Aizawl khawpui chhunga sawrkar primary sikul thlanchhuan  sikul 15-ah  8-24 February, 2023 chhung  khan SCERT chuan  Reading Festival  hlawhtling tak a buatsaih . He Reading Festival hi 2022 kuma Ministry of Education-in bul a lo tan tawh, NEP 2020 tihhlawhtlin nana a hmalakna pakhat a ni. He Campaign/Festival-in a tum ber chu  zirlai naupangte a lehkha chhiar ngainatna (Reading culture) tuh ngheh a ni. Reading Festival hmanna sikulte chu-


 

  1. Govt.   Zotlang P/S                      
  2. Govt. Nepali P/S, Rangvamual
  3. Govt. Dawrpui Model P/S
  4. Govt. Sakawrtuichhun P/S
  5. Govt. LM P/S, Ramhlun Venglai
  6. Govt. Chaltlang P/S
  7. Govt. Rev. Thianga P/S
  8. Govt. Ramthar North P/S
  9. Govt. P/S-II, Durtlang
  10. Govt. Armed Veng  South P/S
  11. Govt. P/S, Kulikawn
  12. Govt. Model Eng. School Nursery Veng
  13. Govt. Edenthar  P/S
  14. Govt. Ramhlun South  P/S
  15. Govt. Bethlehem P/S

 


 Reading Festival hman anih hma hian SCERT hian heng sikul thlanchhuah a thawktute hi SCERT Office ah uluk taka training pein, a hman dan tur leh Festival chungchanga hriattur tulte hrilh hriatna hun hmanpui vek an ni a. Tichuan, February ni 8, 2023 atangin Reading Festival hi anamhni sikul tana hun ruat theuhvah  hman tan a ni a. Reading Festival hmanna hmun apiangah hian SCERT mi leh sa 2 zel kalin, an ni hian  thusawina hun te neiin, Reading pawimawhzia leh Reading Festival hman anih chhante an sawifiah a ni. 

Sikul tin hian kaihhruaina an dawn ang zelin kalphung in angin  Reading Festival hi  anmahni sikul theuhvah an hmang a, chawhma lamah SCERT lam atanga kalte leh an zirtirtute ten lehkha chhiar pawimawhna lam hawi  thuchah an sawi a. Chawhnu lamah sikul naupang hi lehkhabu chhiar tur chi hrang hrang chhawpchhuah sak niin chung lehkhabute chu an sikul compound hmun remchang laiahte leh classroom-ah te an chhiar a, sikul thenkhat phei chuan an chhiarna tur hmun Reading Corner  nuam tak an lo buatsaih sak a ni. 

Reading Festival hi naupangte leh an zirtirtute hian nuam an tiin, hawlthlak an ti a, zawngchhangthlak an ti hle a, Festival hmanna sikul zawng zawng hian session tharah chuan Library period siam an tum tawh thu leh library room hranpa neih vek an tum thu  SCERT atanga kalte hi an lo hrilh a ni. 

        Hetianga Reading Festival SCERT in kan buatsaih hi hmasawnna ropui tak a ni a, hmalak chhunzawm zel tur a ni bawk a ni.