Ni 14 November, 2024 khan Pi Caroline Zoramthangi  SCERT Director  chuan  Association of Mizoram DIET Employees (AMDE) 6th General Conference, DIET Aizawl a  neih chu khuallian niin a hmanpui. Director hi Pi Lalnunsiami, Deputy Director,  Pi Florence Lalrinpuii, Deputy Director leh Pi Lalngaizuali Ralte, Programmer ten an tawiawm a ni.

          6th AMDE General Conference hi Pu TBC Lalniliana, Vice President AMDE chuan kaihruaiin Conference palai te lawmna thu a sawi a, Pu H. Lalrinawma DIET Mamit chuan hunserh a hmang a, 2022-2024 chhunga AMDE member boral te sunna hun hman a ni bawk. 

        Chief Guest Pi Caroline Zoramthangi Director SCERT chuan thuchah sawiin Zirtirtute Training tha pek pawimawhna leh School tha chu Zirtirtu tha awmna anih thin thu a sawi a, Zirtirtute Training-na lo awm tantirh dan te leh kan mi hmasa ten thahnem ngai taka an lo din leh an lo thawhrimna vanga vawiina a rah sengtute chu thawktute kan nih dan te a sawi. DIET leh SCERT thawhhona tha leh zual kan neih theih nan in pawhna tha kan neih a tul thu leh DIET-a thawktute harsatna leh hmachhawp hrang hrang te pawh sawi hova bawhzui ho zel a that thu a sawi.

         Dr Louise V.L. Rinsangi AMDE  General Secretary chuan an pawl hmalakna leh hmachhawp hrang hrang te sawiin report a pe a, District hrang hrang a AMDE Member te dinhmun a tarlang bawk. Chawhnu  lamah kum 2025-2026 chhunga AMDE hruaitu thar thlanna an nei nghal bawk a, chungte chu -

1.  Pi Christina Lalthansangi

2. Dr. Louise V.L. Rinsangi

3. Pu H. Malsawmdawnga

4. Pi Lalromawii Lailung

5. Pu Lalsiamliana

6. Pi Zahmingliani    te an ni.

AMDE hruaitu hlun leh Vice President nilai Pu TBC Lalniliana, Sr. Lecturer chu Superannuation Pension a a lo chhuah dawn tak avangin ngaihhruihna leh thlahna thilpek an pe bawk.