Ni 20 January, 2026 khan SCERT, Auditorium-ah SCERT Foundation Day vawi 46-na & SCERT Welfare hruaitu-2026 turte thlanna hun hman a ni a.  He hun hi  Dr. Lalduhawmi Thomte, Joint Director chuan kaihruaiin, SCERT din anih atanga a lo than chhoh zel dan te a sawiin ni 20 January, 1980 khan Mizoramah SCERT chu Directorate of School Education hnuaiah din a ni a. Kum 2008 khan SCERT chu Directorate-ah hlan kai a ni a.  Kum 2018 khan Ministry of Human Resources Development (MHRD) nen tangkawpin Restructuring of SCERT chu duan a ni a.  Zirna lama kawng hrang hranga hma lak zauh zel niin,  Special Education lama hmasawnna neih theihna turin Rehabilitation Council of India (RCI) approval hmuh niin MZU affiliation neiin hemi kum hian North East India a B.Ed. Special Education zir theihna awmchhun hawn a ni bawk a ni. Kum 2020-ah Ministry of Education chuan National Education Policy (NEP) 2020 a duang chhuak a.  He NEP 2020 hnuaia recommendation hrang hrang te ti hlawhtling tur hian SCERT chuan nasa takin hma a la mek a ni.


Dr. Lalduhawmi Thomte hian thu a sawi zawh hian Pathian hnena lawmthu sawi tawngtaina hun a hman zawhah Pi Caroline Zoramthangi, Director,SCERT   chuan thu sawiinSCERT a lo din than atanga hruaitu hmasa te thawhrimna leh an sulhnu chhinchhiah tlak tak tak te, tin, a lo thawk tawh mual min liamsan ta te kan theihnghilh loh zia te a sawi a,  NEP 2020 chhuah hnu SCERT mawhphurhna leh hna te a pun nasat zia leh a pawimawh zual zel thu te a sawi bawk a ni. Tunlai khawvel zirnaah Academic mai iah lamah Cocurricular activities leh Life Skills lam zir uar a pawimawh zia te leh Education Department hnujaia thawkte chuan kan thlen chin atangin hmasawn zel a pawimawh zia te a sawi bawk a ni. He SCERT Foundation Day hmanna hi Lal biakna sawiin hun tih tawp a ni.

SCERT Foundation Day programme hman zawh hian kum 2026 atana SCERT Welfare hruaitu turte thlanna neih zui a ni a.  He inthlanna hi RO Pi Lianhlupuii Hnamte kaihruaina in Polling Officers ten an buaipui a ni. DIET Aizawl Welfare Committee atangin heng mite hi sawm an ni :

  1. Pu H. Malsawmdawnga
  2. Pi Zirkungi Sailo
  3. Pu R. Lalnunpuia
  4. Pi Lalrintluangi Chhangte

 

Kum 2026 chhunga SCERT Welfare hruaitu tura thlan chhuah te chu heng mite hi an ni.

1. Pu Rorelkima

2. Pu P.C. Vanlalruata

3. Pu Lalbiakngura

4. Pu F Lalliansanga

5. Pi K Lalrinsangi

6. Pi Lalnunsiami