Ni 11th December 2025 khan SCERT Auditorium-ah Poetry Festival hman a ni. He festival hi chawhma dar 10:00-ah Dr. Lalduhawmi Thomte, Joint Director, SCERT-in a hawng a, school 11 aṭangin zirlai 60-ten poetry inziahsiakna an nei nghal a ni. He festival hi kum 2011 aṭang khan kum tin hman a ni a, kumin hi a ṭum 14-na a ni. He intihsiak hi SCERT aṭangin Dr. Lalduhawmi Thomte, Joint Director, Pi Lalnunsiami, Deputy Director, Pi Cecillia K. Lalremruati, Deputy Director leh Pu PC Vanlalruata, Deputy Director ten uluk takin an endik a ni. 

He festival kharna inkhawm hi chawhnu dar 2:00-ah neih a ni a, Dr. Lalduhawmi Thomte, Joint Director, SCERT-in a kaihruai a, Pi Caroline Zoramthangi, Director SCERT chuan fuihna thu ṭha tak zirlaite hnenah sawi a, zirlaiten an suangtuahna thu-a an ziah chhuah hian an hma lam hunah kawng hrang hrangin a ṭanpui ngei a beisei thu a sawi. Language thiam tan kawng a inhawn zau thu leh hna chi hrang hrang atan a pawimawh thu a sawiin, zirlaite hnenah lawmman a hlan bawk. Lawmman pakhatna dawngtu, William Lalchhanchhuaha, Class XII (Arts), Helen Lowry HSS chuan Rs. 5000 leh trophy a dawng a, pahnihna chu Linzy Malsawmkimi, Class XI (Science), Mount Carmel HSS niin Rs. 4000 leh trophy a dawng a, pathumna Lalmawizuali, Class XI (Science), St. Paul’s HSS chuan Rs. 3000 leh trophy a dawng a ni. Heng bakah hian consolation prize mi 5 hnenah pek an ni a, lawmman dawngtute chu K. Vanlalhruaizela, Class XII (Science), Synod HSS, Malsawmzami Hauhnar, Class XI (Arts), Govt. Mizo HSS, Emma Liansangpuii, Class XI (Arts), St. Joseph HSS, Lalhriatpuia, Class XI (Arts), Public HSS leh Emmanuel Laldinliana, Class XII (Science), St. Stephen’s HSS te an ni. Kalkhawmte hnenah Pu PC Vanlalruata, Deputy Director, SCERT chuan lawmthu sawiin, he inkhawm hi a khar a ni.