NEP 2020 thil tum tihhlawhtlinna atan, Dr. Vanlalthlana, Minister, School Education Department hmalakna in SCERT chuan Pawl 3 leh Pawl 6 zirlaite tan Random Examination chu February 21, 2025 khian a buatsaih dawn a. Random Exam nei tur school te hi district hrang hrang atangin Primary School 222 leh Middle School 112 te random a thlan chhuah an ni.

Heng school thlan chhuah Headmaster -te tan hian February 18, 2025 khan exam kalpui dan tur inzirtirna hun SCERT-ah hman a ni. He Capacity Building for Random Examination 2024-2025 for Headmasters of Primary & Middle Schools programme hi Pi Caroline Zoramthangi, Director, SCERT  chuan SCERT Auditorium ah  a hawng a. Random Examination hi Mizoram tan zirna kawnga rahbi thar niin, zirlaite hi common question chhan tir an ni dawn a. Mizorama zirlaiten an zirlai atanga thiam chhuah tura duante takin an thiam em tih enna turin Competency Based Questions an chhang dawn a ni. Zawhna te hi OMR Sheet veka chhan tura duan a ni.