Dt. 15th April, 2026 hian SCERT leh Special School panga (5) leh Inclusive School pakhat (1) ten rualbanlote tana thawhhona tha leh zual neih anih theih nan MoU sign a ni. He MoU sign-na program hi SCERT-ah neih niin SCERT Director Pi Caroline Zoramthangi leh Special School panga (5) leh Inclusive School pakhat (1) atanga aiawh lo kal ten he MoU-ah hian hming an sign a.
Director Pi Caroline Zoramthangi chuan Rualbanlo te enkawltu School te nena thawhhona thuthlung ziak ani ta chu SCERT leh Mizoram tan mellung pawimawh tak anih thu a sawi a, rualbanlo naupangte hi enkawl dan azirin engkim an ti thei a ni tih sawiin Special School te pawimawhna leh an hlutna te a sawi a, Special School leh Inclusive School-te tana Academic Support pe turin engtik lai pawha hma la tura SCERT a in hawn thu a sawi bawk.
He program hi Pi Lalnunsiami, Deputy Director, SCERT chuan kaihruaiin Pu Rorelkima, Special Education Officer in MoU sign chungchang brief report a pe a ni.
He MoU sign-naa Special School-te chu :
- Gilead Special School, Bawngkawn
- Special Blind School, Durtlang
- Ephatha Society of Mizoram for the Deaf and Hard of Hearing, College Veng
- Redeem Garden, Durtlang
- Shining Star, Republic Veng an ni.
Heng bakah hian Inclusive School pakhat (1) Govt. Durtlang P/S II an tel bawk.
 |  |
 |  |
