Ni 8 December 2025 (Thawhṭanni) khan SCERT Staff Welfare General Body Meeting, Julie’s Getaway, Tanhrilah neih a ni a, Office tualzawl aṭangin zing dar 10:00-ah chhuakin Meeting hi Chawhma dar 11:30-ah ṭan a ni.  Pu PC.Vanlalruata, Vice Chairman, Staff Welfare Committee-in meeting hi a kaihruaia, hunserh Pu Vanlalbera Staff Welfare Committtee member chuan a hmang bawk a, Pi Caroline Zoramthangi, Director, Directorate of SCERT hnen aṭangin SCERT Welfare kalpui a lo nih tawh ṭhin dan ngaihnawm tak leh Welfare pawimawhna te, Welfare tichak tura member tinte ṭanrual a pawimawhzia fuihna thu ṭha tak ngaithlak a ni. 

General Body Meeting-ah hian SCERT Staff Welfare Inkaihhruaina Dan 2025 siam a ni a, Inkaihhruaina Dan hman lai chu ennawn niin, ṭhenkhat hman zui tur a la awm rualin, ṭhenkhat erawh siam danglam a ni.

He meeting-ah hian mi 59 kalin, member an kokim hle. Member tinten an hlawkpuiin, hun hlimawm tak an hmang thei a ni.