Vawiin ni 27.3.2025 khan District Institute of Education (DIET), Aizawl buatsaihin, DIET Aizawl Auditorium ah State Level Workshop to develop Guidebook for W.E Teachers buatsaih a ni a.

He programme ah hian Pu David Lalthantluanga, Special Secretary, School Education Dept chu Chief Guest  niin Pi Caroline Zoramthangi, Director, SCERT-in programme a kaihruai a ni. Pi Lalhrilliani, Vice Principal, DIET Aizawl-in hunserh a hman zawhah Workshop Highlight, Pi Christina Lalthansangi, Lecturer, DIET Aizawl atangin ngaithlak a ni. Chief Guest atangin Inaugural Speech ngaihthlak niin Pu H. Lalfakzuala, Principal, DIET Aizawl-in  lawmthu sawina a nei.

Inaugural Programme hman zawh hian Workshop tan nghal a ni a.  He Workshop-ah hian MZU, IASE, MBSE, DIET, SCERT leh mithiam thlan bik te an tel a, W.E. Teacher Guidebook tha tak leh hman tlak taka siamchhuah anih theih nan ruahmanna fel tak  siam a ni a. Workshop hi thla ruk vel awh tura ruahman a niin hemi chhung hian Guidebook siamchhuah te sikula hman chhinna neih a, a that leh that loh en tum a ni.