Sensitization Workshop for District Level Officials for Effective Implementation of School Rally Challenge for Tobacco Awareness and Tobacco Free Educational Institutions (ToFEI) Guidelines

Vawiin ni 28 October, 2025 chawhma dar 10:00 khan ni hnih awh tur Sensitization Workshop for District Level Officials for Effective Implementation of School Rally Challenge for Tobacco Awareness and Tobacco Free Educational Institutions (ToFEI) Guidelines chu SCERT Auditorium-ah neih tan a ni.

He workshop hi Ministry of Education bul tum niin, National Population Education Project (NPEP) NCERT hnuaia Population Education Cell, SCERT, Mizoram leh National Tobacco Control Programme (NTCP), Ministry of Health and Family Welfare-te thawh hona a buatsaih a ni a, district tina DEO te, DIET Principal te, DEO Office-a Tobacco Free Educational Institution (ToFEI) nihna chelhtute, State Nodal Officer leh District Nodal Officer te bakah Directorate of School Education leh SCERT-a Tobacco Control Team-te an tel.

Workshop hawnna inkhawm hi Pu P.C. Vanlalruata, Deputy Director, SCERT in kaihruaiin workshop thil tum te a sawifiah a. Dr. Zoramthangi Renthlei, Additional Director (D) DHME&SNO, NTCP chuan thu sawiin Mizoram hi India ramah zuk leh hmuam ti nasa ber pawl kan nih thu te, tangrual a hmalak a tul thu te a sawi a. Tin, zuk leh hmuam hi ruihhlo dang tihna kailawn a nih avangin  kan naupang leh thalai zuk leh hmuam la khawih ve lo te ruihhlo laka kan venhim zel a pawimawh a ni a ti. Ruihhlo dang ang bawkin zuk leh hmuam ngawlveina laka himna tha ber chu tih chhin loh hi a ni tiin a sawi.

Dr. Lalduhawmi Thomte, Joint Director, SCERT chuan a vawi khatna atana hetiang programme buatsaih a ni hi lawmawm a tih thu a sawi a, Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution (COPTA) Act, 2003 in a khap te leh a thil tumte a sawifiah bawk. He Dan in a khap te chu puipunna hmuna zial zuk te, vaihlo hmanga siam ruihhlo fak mawi leh naupangte hnena hralh chhuah te, tobacco product reng renga health warning dah zel tur a nih thu te a sawi.

He inkhawmah hian Dr. Zoramthangi Renthlei, Additional Director (D) DHME&SNO, NTCP kaihhruaina in zuk leh hmuam ti lo tura intiamna (pledge) hun kalkhawmte chuan an hmang a. Pi Zozikpuii, Lecturer, SCERT chuan kalkhawmte hnenah lawmthu sawiin, workshop hawnna inkhawm chu khar a ni.