SCERT, Mizoram buatsaihin nihnih awh “Training of Nodal Teachers on Drug Demand Reduction” chu High School zirtirtute tan 27^th -28th August, 2019 khan SCERT Auditorium-ah buatsaih chhun zawm  a ni. He programme hi National Action Plan on Drug Demand Reduction, Ministry of Social Justice and Empowerment leh Ministry of Human Resource Development-in a huhoa hma a lakna hnuai a mi a ni.

            He ni hnih awh Training Programme kharna hi, Pi Lalduhawmi Thomte, Deputy Director, SCERT in a kaihruai a, Training Report te ngaihthlak a nih hnu ah ,SCERT Director Pi.Laldawngliani Chawngthu hnen a tangin fuihna  thu tha tak tak leh Certificate te dawn a ni.He huna thusawitu Pi.Laldawngliani Chawngthu ,Director SCERT chuan he programme lo chhuah chhoh dan te leh pawimawhna te sawiin,ruihhlo hian thlen lohna hmun tak tak a neih loh thu leh a ram pum huam ang pawh a Sawrkar anga ngaih pawi mawh a nih thute,ruihhlo do tak tak tur chuan zirtirtuten an zirlaite ruihhlo laka an in ven theihna tur an zirtir a tul thute,,zirtirtu zahawm tak tak training a kalkhawmte  pawimawh zia leh hlut zia  te sawiin ,thahnem ngai taka an zirlaite tan a hma la tur leh,training chhunga an thil zirte chu hmang tang kai turin a fuih bawk.

            He hunah hian thupui pawimawh tak tak tleirawl te leh thian te nawr na, rilru hriselna leh ruihhlo hman sualna Life Skills hmanga ruihhlo laka invenna, ruihhlo laka invenna bakah ruihhlo tite enkawlna chungchang, ruihhlo ngawl veina intan dan te an zir  ho dawn a ni. He hunah hian Resource Person turin SCERT Officers te bakah hetiang lama tawn hriat nei Doctor thiam tak tak, Dr. Chawnglungmuana, CEO Shalom, Dr. Ruth Lalmuanpuii, Consultant, Deptt. of Psychiatry, Civil Hospital leh Dr. Samuel Lalzarlawma, Superintendent LifCode Boys Home Home awm te hman an ni a,   he programme ah hian zirtirtu 45 an tel a ni.