Vawiin April ni 22, 2025 hian Pi Caroline Zoramthangi, Director, SCERT, Aizawl leh Pi Florence Lalrinpuii Miller, Deputy Director, SCERT te chuan DIET Lawngtlai an tlawh a. Director hian in-service teacher te training inaugural function-ah zirtirtu te hma-ah vocational education pawimawhzia leh zirtirtu hna thawk mek ten hmalakna tur tam tak an neih thu te a sawi a. Hemi hnu hian PSTE trainees te nen hun hlimawm tak an hmang ho leh a. He hun ah hian Director chuan trainees te hnenah hun hman that pawimawhna te, Pathian tih pawimawhna te a sawi a. Tin, DIET-a an training laia an skills zir chi hrang hrang te, lesson plan thiam pawimawhna te a hrilh nawn leh a. Chumi piah lamah chuan DIET-a an training laia an thil zir chi hrang hrang te school-a an thawh veleh a taka va hmang nghal ngei ngei turin a fuih bawk a, mi dang ten an tih loh avanga hnual mai lova, taima taka an thil zir te tihtakzeta naupang te zirtir nana hmang turin a fuih bawk a ni. NEP 2020 te pawh chhiar a, zir chiang turin trainees te chu a hrilh a, ngaihhlut tur dik tak ngaihlu turin a fuih tel bawk a ni. Pi Florence Lalrinpuii pawhin trainees te chu tum mumal tak nei turin a fuih a, an hun te leh social media te pawh a tha zawnga hmang turin a hrilh a. Chumi bakah chuan trainees te chu an taksa leh rilru hrisel nan in enkawl uluk leh insawizawi pawimawhna te a hrilh bawk a ni.